Министерството за внатрешни работи информираше дека од утре 15 ноември до 15 март задолжително треба граѓаните да поседуваат пропишана зимска опрема, согласно одредбите утврдени во Правилникот за задолжителна опрема на возилото, за безбедно учество во сообраќајот на патиштата. (Службен весник бр. 31 од 2010 година).
Од МВР апелираат до граѓаните да се придржуваат кон законската обврска за поседување на зимска опрема, бидејќи така овозможуваме непречено и безбедно одвивање на сообраќајот на патиштата во зимски услови.