Како министерка ветив на почетокот на мојот мандат дека нема да се толерира корупција во моето Министерство, рече министерката за одбрана Славјанка Петровска во емисијата „Само вистина“ во ТВ сочувањето со пратеникот од ВМРО-ДПМНЕ, Драган Ковачки. Ковачки обвини дека се дава мито за испраќање војници во мисија во странство.
-Обвинувањата за корупција не треба да бидат премолчени или одговорени преку соопштение, затоа сум тука на дуел. Мене лично ме загрижува причината зошто секогаш кога има истрага во тек, опозицијата и пратеникот Ковачки, невнимавајќи соопштуваат некои податоци во јавноста со обид да биде компромитирана или загрозена истрагата, рече Петровска.
Според Петровска, долго време е присутна таа шпекулација дека за испраќање во мисија се случува корупција.
-Такви сознанија стигнаа и до мене и се братив до службите во Министерството, тоа го направив во месец март или април. Не сакав да го уништам кредибилитетот на Министерството, но и мојот, бидејќи тие решенија за испраќање во мисија ги потпишувам јас. Не тврдам дали има корупција или не, тоа е работа на истражните органи. Истрага има и таа е во тек. Без разлика дали тоа е дознаено преку формални или неформали канали, јас како министерка тоа го пријавив.Дали Ковачеки ги користи своите линкови преку поранешни колеги во Министерството и свесно ги соопштува во јавноста за добивање ситни политички поени е главното прашање, кажа министерката Петровска.
Откако Петровска го праша за унапредувањето во полковник, Ковачки и одговори „да не се расправа“
Чинот полковник го добивте на време или пред време, го праша министерката за одбрана Славјанка Петровска пратеникот Драган Ковачки во гостувањето во „Само вистина“. Тој кажа дека бил унапреден за посебни заслуги, без да одговори дали ги имал потребите компетенции.
-Треба да го прашате тогашниот министер за одбрана зошто ме унапредил. Унапредувањето не може да го вратите, тоа може само да го прифатите. Зарем сметате дека треба да обжалувам нешто на што сум горд, рече Ковачки.
-Зарем сте горд за унапредување за кое ги немате исполнето критериумите, праша министерката Петровска, по што пратеникот Ковачки и кажа „да не се расправа“.
