Министерката за одбрана Славјанка Петровска, денеска на прес-конференција ги демантираше, како што вели, изнесените лаги од пратеникот Драган Ковачки и порача дека има рок од 24 часа да се извини за овие бескрупулозни невистини.
„Ниту нешто кријам, ниту нешто ќе скријам. Затоа наместо да праќам соопштени или да објавувам фејсбук статуси, стојам пред вас и одговорно изјавувам.
Прес – конференцијата на поранешниот припадници на Армијата Драган Ковачки е груба лага и манипулација. Безуспешен обид да го скрие срамот од дебакалот што го доживеа во средата. Чинот кој бегалецот Ковачки го посочи, никогаш не сум го поседувала. Единствено што поседував е плац кој со уредно склучени договор за купопродажба е отуѓен, односно продаден пред повеќе од десетина години. Поранешниот воен разузнавач кој беше дел од сценариото за 27 април и кој ги извиси и се огради од оние што ги поттикна на насилство, има рок од 24 часа да се извини за овие невистини, во спротивно ќе му биде поднесена тужба за клевета, а парите ќе ги донирам на жртвите од владеењето на неговиот Никола Груевски.
Го повикувам да се извини и на семејството кој е легален и чесен сопственик на овој имот и да престане со старите нивни, дпмнеовски навики, на незаконско следење и фотографирање. Жалам што Ковачки бега да зборува за успесите на Армијата, туку одбра да се занимава со конструкции против мене. Ама ова дрско и бескрупулозно однесување од негова страна нема ниту да ме заплаши, ниту да ме поколеба да ја зборувам вистината“, изјави министерката Петровска.
