Префектурата на полицијата во Париз, со цел новогодишната ноќ да помине без проблеми, најави дека ќе го зајакне својот безбедносен систем на 31 декември, јави дописникот на МИА од Париз.
Вкупно 5.400 полицајци и жандарми ќе бидат распоредени во главниот град и неговите предградија. Засилен систем, со цивилен персонал, ќе биде мобилизиран и во јавниот транспорт и на јавните патишта.
Посебно внимание ќе се посвети на Шанзелизе, каде ќе се одржи музичка забава со огномет. Од полицискиот штаб соопштија дека ќе обезбедат „видливо присуство“ со цел да се спречи „криминално или опасно однесување“.
Во реонот околу Елисејските полиња, продажбата на алкохол ќе биде забранета од 18 часот овој петок до 8 часот наутро во понеделник на 2 јануари.
Ќе се постави и безбедносен периметар на Елисејските полиња за филтрирање на јавниот пристап. Влезот во областа ќе биде на одредени точки, а може да се изврши претрес и преглед на багажот.
На тој начин, префектурата потсетува дека носењето и транспортот на огномет, огнено оружје или каков било предмет што може да се користи како оружје или проектил (како стаклени шишиња) се забранети во внатрешноста на просторот. Животните кои се сметаат за опасни, исто така, нема да бидат дозволени таму.
Забрани во сообраќајот има и за овој предновогодишен викенд. Паркирањето е забрането на неколку ленти во 8-ми, 16-ти и 17-ти арондисмани во реонот Шанзелизе, од 31 декември во 10 часот до 1 јануари во 4 часот наутро. Сообраќајот на истите овие коловозни ленти ќе биде забранет од 18 часот оваа сабота и до 4 часот во недела.
Ќе бидат затворени и блиските станици на метрото и РЕР. Постојката Шарл де Гол-Етоал на РЕР A, како и станицата Аргентина на метро линијата 1 ќе бидат затворени од 17 часот. Постојките Џорџ Петти, Френклин Д. Рузвелт и Елисејските полиња-Клеменсо ќе бидат затворени во 18 часот. Постојката Конкорд, која се наоѓа на линиите 1, 8 и 12 на метрото, како и постојката Туилери на линијата 1 ќе бидат затворени од 20 часот.
Поради тоа, префектурата и препорачува на јавноста „да го предвиди секое движење, како и враќањето“
