Полицијата ги опколи протестните кампови во Бразил откако вчера приврзаниците на поранешниот претседател и лидер на екстремната десница, Жаир Болсонаро упаднаа во владините згради во главниот град, пренесува Би-Би-Си.
Полицијата пристигна во кампот пред седиштето на бразилската армија во Бразилија за да ги отстрани поддржувачите на поранешниот претседател Жаир Болсонаро.
Во моментов не е јасно дали демонстрантите мирно ќе го напуштат кампот. Многу од нив се уште се во своите шатори, но се чини дека некои почнаа да се пакуваат.
Илјадници демонстранти ја ограбија зградата на Конгресот, како и претседателската палата и Врховниот суд во Бразилија во неделата.
Стотици луѓе се уапсени, а гувернерот на Бразилија е суспендиран поради безбедносни пропусти..
Болсонаро ги загуби претседателските избори од левичарот Луис Инасио Лула да Силва во октомври, откако сееше неосновани тврдења за гласачките системи.
Многу од неговите поддржувачи одбија да го прифатат резултатот, а некои кампуваа пред армиските згради низ целата земја повикувајќи на воена интервенција.
Судијата на врховниот суд сега нареди да се уништат камповите надвор од штабот на армијата во Бразилија – и на други локации.
Болсонаро негираше дека го охрабрил нападот во неделата, велејќи дека она што се случило го надминало демократскиот протест.
Сè погласни се повиците до американскиот претседател Џо Бајден да го екстрадира Болсонаро од САД. 67-годишникот минатата недела отпатува за Флорида за да избегне да присуствува на инаугурацијата на претседателот Лула, како што е традиција во Бразил.
Светските лидери, вклучително и американскиот претседател Џо Бајден, ги осудија немирите како напад врз демократијата.
И Папата Франциск го додаде својот глас на меѓународната осуда за време на неговото новогодишно обраќање пред амбасадорите.
Аргентинскиот понтиф наведе „разни земји од Америка каде што политичките кризи се оптоварени со тензии и форми на насилство што ги влошуваат социјалните конфликти“.
„Мислам на овие последни часови во Бразил“, рече тој. „Во многу области, знак за слабеење на демократијата е засилената политичка и социјална поларизација, која не помага да се решат итните проблеми на граѓаните.
Во понеделник наутро метрото е повторно отворено, луѓето тргнаа на работаа и патиштата се бучни од сообраќај. Животот се враќа во нормала, пазарџиите ги завиваа ролетните, а некои луѓе беа на утринското џогирање, пиеја кафе во кафулињата, се упатуваа кон теретана, трчаа во супермаркет.
Подготви: Д. Мишев / Цивил Медиа
