По растот на платите на наставниците во септември минатата година, со почетокот на оваа година следува ново зголемување. Континуираниот раст на личните примања покажува дека работиме во најдобар интерес на наставниците, а еден од главните приорите за нас е унапредувањето на нивната положба во општеството, соопшти Министерство за образование и наука.
МОН посочува дека во целост ги почитува и исполнува одредбите од колективните договори во основното и средното образование кои се склучени со СОНК кој, како што наведува, е важен партнер во унапредување на квалитетот на воспитно-образовниот процес во државата.
-Просветните работници се најважната алка во воспитно–образовниот процес, а нивната мотивираност за работа се одразува на квалитетот на наставата. Затоа, продолжуваме да работиме на зголемување на нивните права и подобрување на условите за работа, информира Министерството за образование и наука.
