Во својата одлука во предметот Талески и другите против Северна Македонија (молби бр. 77796/17, 80003/17, 81848/17, 81862/17, 11583/18 и 30884/18) Европскиот суд за човекови права едногласно ја прогласи жалбата за недопуштена. Одлуката е конечна, се вели во соопштението на ЕСЧП, во однос на деталите за одлуката.
„Многу од апликантите биле членови на владејачката партија (ВМРО-ДПМНЕ) во времето на настаните во прашање, и сите тие имаа истакнати јавни позиции, вклучувајќи го и премиерот, Владини министри и градоначалници. Ним им се суди за наводни кривични дела поврзани, и кои произлегуваат, од содржината на незаконското, широко распространето прислушување. Тие добија претседателски помилувања кои беа подоцна поништени. По поништувањата им се судеше, што е предмет на овој предмет. Судот одлучи дека апликантите не ги исцрпиле домашните правни лекови. Заклучи дека на жалбите според член 6 (право на правично судење) се предвремени, откако домашните власти имале можност прво да се осврнат на нив во кривичната постапка што е во тек; а во врска со член 5 (право на слобода и безбедност), еден од апликантите, Темелко, не го покренал својот случај пред домашните судови, додека правниот лек кај друг апликант – Талески – за кој се тврди дека бил ефективен, беше одбиен како истечен во националните судски одлуки, кои не изгледале како произволни“, се додава во одлуката.
Одлуката ја донел совет од седум судии составен од:
Арнфин Бардсен (Норвешка), претседател,
Полин Коскело (Финска),
Тим Ајке (Обединето Кралство),
Саадет Јуксел (Турција)
Лорејн Шембри Орланд (Малта),
Фредерик Кренц (Белгија),
Дијана Сарку (Република Молдавија),
и Хасан Бакирџи, Секретар.
