Оценката на Брисел дека Македонија ги спровела потребните чекори и ги исполнила критериумите за бришење од т.н “црна листа” на даночни раеви, е добра вест за одговорните компании и бизнимените кои сакаат да инвестираа кај нас , но и потврда за високиот степен на доверба кон нашите институции.
Листата на ЕУ се ажурира два пати годишно врз основа на позитивните промени на секоја земја, а Македонија успеа да излезе од оваа “неславна’’категорија и пред нејзиното последно дополнување и модифицирање. И покрај фактот дека одредена земја ја има на списокот сам по себе не повлекува санкции или казни, веста дека Македонија не е веќе на него, според даночниот советник Павле Гацов е исклучително позитивна.
Ваквиот чекор аргумент плус за избор на Македонија како инвестициска дестинација од страна на мултинационалните компании кои согласно со своите корпоративни кодекси ја преферираат општествената и легислативна одговорност, пред финансискиот успех. Ваквата мерка носи корист и за македонските компании кои имаат прекугранични врски со големи компании, но и ја зголемува довербата на домашните институции пред странскиоте даночни органи и обратно, кога се работи за билатерална даночна документација согласно со Договорите за одбегнување на двојното оданочување и соработката во борбата против даночната евазија , вели во изјава за „Локално“, даночниот советник Павле Гацов.
Посочува дека ваквата категоризација која е поддржана од OECD се користи како извор за квантифицирање на даночните обврски по основ на трансферните цени и кога се работи за деловен однос меѓу големи домашни и странски компании кои имаат некаква форма на поврзаност.
Целиот текст на следниот линк!
