Идејата за формирање на Заедница на српски општини (ЗСО) на Косово стана дел од и од македонската политичка сцена, откако партијата Алтернатива предложи до другите партии, пред се од албанскиот блок, да размислат за формирање на „Заедница на албански општини“ во Македонија. Речиси сите партии го одбија ваквиот „непристоен“ предлог, поистоветувајќи го како „несериозен, антимерикански и антиевропски“.
Ваквата тема пред две недели прв ја начна Елвис Хоџа, советник на косовскиот премиер Албин Курти. „Локално“ побара мислење од дел од српските аналитичари кои се повеќе запознаени со ваквиот наратив и што тој би значел, со оглед на тоа дека ЗСО е една од клучните теми во преговорите меѓу Белград и Приштина.
Според политичкиот аналитичар Драгомир Анѓелковиќ, косовските власти не сакаат да го воспостават ЗСО, но сакаат да го наметнат во другите земји од регионот.
-Освен што не сакаат да го направат тоа, Албанците сега се обидуваат да го проектираат моделот на формирање на ЗСО меѓу нивните национални заедници во другите земји од Западен Балкан. Почнуваат да ја бараат Заедницата на албанските општини во Македонија, а веројатно наскоро истото ќе го направат и во Црна Гора. Бидејќи ова се заканува да отвори нови кризни жаришта и неминовно предизвикува широк отпор, а Албанците тоа секако го знаат, сите овие барања треба да се толкуваат како придонес за саботирање на преговарачкиот процес со Белград, порачува Анѓелковиќ.
Целиот текст на следниот линк!
