Во конфузниот говор што рускиот диктатор Владимир Путин го одржа на неодамнешното обраќање пред деловните лидери во Москва покажува дека тој е под дејство на силна дрога, тврди Валериј Соловеј, руски политиколог, историчар и поранешен шеф на Одделот за односи со јавноста на Московскиот државен институт за меѓународни односи, пренесува The New Voice Of Ukraine.
„Ако гледавте барем дел од говорот пред претприемачите (говорот на Путин на Конгресот на Руската унија на индустријалци и претприемачи – уред.), можете да видите личност „high on speed“ како што велат младите, што значи дека некој користи моќни стимулативни лекови“, рече Соловеј во програмата „Утрински пресврт“ на каналот на YouTube Zhyvyi Hvozd (Жив нокт).
Путин одржа говор на Конгресот на Руската унија на индустријалци и претприемачи (РСПП) во Москва на 16 март.
Работите што диктаторот ги кажа за време на говорот „биле испровоцирани од дрогата и соодветната променета состојба на умот“, рече политикологот.
Врвните руски бизнисмени го игнорираа конгресот.Косопственикот на ЛУКОИЛ, Вагит Алекперов, неговиот партнер Леонид Федун, поранешниот извршен директор на Сибур, Дмитриј Конов, и сопственикот на групата Крокус, Араз Агаларов, поднесоа оставки од Комората на индустријалци и претприемачи на почетокот на март. Рускиот олигарх Алишер Усманов исто така побара да ја напушти РСПП.
Никој од нив не се појавил на средбата со Путин.
Не присуствуваа ниту сопственикот на металуршкиот комбинат „Новолипецк“, Владимир Лисин, и сопственикот на „Система“, еден од најголемите приватни инвеститори во Русија, Владимир Евтушенков.
Како резултат на тоа, само шест лица од првите 20 на руската листа на Форбс учествуваа на конгресот и се сретнаа со Путин.
Московскиот професор по историја Валери Соловеј , по издавањето на налогот за апсење на Путин од страна на Меѓународниот кривичен суд, гледа дека се зголемуваат шансите за бунт во палатата против Путин.
„Налогот за апсење издаден во Хаг е важен сигнал за руската елита. Наместо да биде гарант на богатството и моќта, Путин сè повеќе станува токсичен товар што треба да се отфрли што е можно поскоро – во спротивно може да се појават повеќе имиња во досиејата на меѓународните судови. Мнозинството од руската елита реагира на ова со ништо повеќе од импотентно негодување и јавно изразување на солидарност со лидерот. Но, меѓу нив има и групи кои се способни за решителна акција. И веројатноста за таква акција сега расте“, смета Соловеј.
Подготви: Д. Мишев
Извор: ЦИВИЛ Медиа
