Во нов труд објавен во списанието Science, се појави анимација која ја прикажува еволуцијата на Земјата. Анимацијата е создадена со помош на нов модел, кој прикажува над 100 милиони години историја на нашата планета, вклучително и топографски промени – создавање на океани и планини и активности предизвикани од ерозија.
Моделот, кој е прикажан на каналот Јутјуб на Универзитетот во Сиднеј, покажува како копнените маси се распаднале додека тектонските плочи се движеле, создавајќи ги океаните и планинските венци што ги знаеме денес.
Моделот е дел од работата на истражувачите да создадат подобар начин човештвото да ги разбере промените на Земјата во изминатите 100 милиони години.
„За да ја предвидиме иднината, мора да го разбереме минатото“, вели Тристан Салес, виш предавач по геонауки на Универзитетот во Сиднеј и главен автор на студијата, во изјавата за новата анимација што ја прикажува еволуцијата на Земјата.
„Но, нашите геолошки модели обезбедија само фрагментарно разбирање за тоа како се формирале неодамнешните физички карактеристики на нашата планета“, забележа Салес. Со новиот модел, научниците ќе можат подетално да погледнат како се формирале и се менувале копнените маси во изминатите 100 милиони години.
Анимациите, кои можете да ги видите во вграденото видео погоре, покажуваат како движењето на тектонските плочи довело до создавање на океани и нови планини, обликувајќи ја копнената маса заедно со ерозијата и другите земјишни динамики кои го создале светот каков што го знаеме. Новата анимација покажува колку притисокот од овие промени помогнал да се поттикне еволуцијата на Земјата на топографско ниво.
Се надеваме, велат истражувачите, ќе се создаде алатка која научниците ќе ја користат за да го разберат минатото и како се променила Земјата. Вооружени со тие информации, се надеваме дека тие ќе можат подобро да ги разберат промените што доаѓаат во иднина бидејќи човештвото продолжува да ги поттикнува промените на нашите океани и планета преку климатските промени и други фактори.
Подготви: Ј. Ѓ.
