Агенцијата за промоција и поддршка на туризмот е учесник на 26-тата меѓународна изложба за туризам и патување ЕМИТТ-East Mediterranean International Tourism & Travel Exhibition.
На репрезентативен штанд заедно со македонскиот туристички сектор меѓу кои, Бадем Тур, ЈК Травел, хотел Фама, СУ хотел, општина Струга и ПЦС Тур ќе ја промовираат нашата земја како важна туристичка дестинација за турските туристи.
Од 12ти до 15ти април илјадници странски посетители ќе се запознаат со природните убавини, историските, културните знаменитости и ено-гастро туризмот на Северна Македонија. Се очекува изложбениот простор на Република Северна Македонија традиционално да е посетен од бројни високи претставици од Република Турција, како и значајни учесници од реалниот сектор.
ЕМИТТ продолжува да ја обликува индустријата со корисни содржини и партнерства кои создаваат вредност за сите учесници. Постигнувајќи голем успех со учество од над 110 земји, 33.595 посетители, над 430 егзибитори и повеќе од 200 поканети туроперотори како и активни туристички работници, ЕМИТТ е клучна платформа за развој на туристичката индустрија и помагање на туристичото стопанство да добие поголем импулс.
Од друга страна, настаните на ЕМИТТ играат водечка улога за одржливите туристички инвестиции и проекти, преку обезбедување на реална визија за иднината на индустријата, како и создавање на многу можности за соработка. Во рамките на “Програмата за настани EMITT 2023”, теми како што се одржлив и одговорен туризам, план за здравствен туризам, стратегија за извоз, еко-агро-гастро туризам ги олеснува деловните процеси на засегнатите страни во туристичката индустрија и ги предвидува насоките во туристичката индустрија.
Во 2022 година 14% од странските туристи (537436 вкупен број странски туристи), односно повеќе од 75000 посети оствариле турските туристи, наметнувајки ја потребата од интегриран маркетинг и промотивен пристап во 2023 година.
