Германските железничари од недела ќе почнат предупредувачки штрајк, соопшти денеска транспортниот синдикат ЕВГ.
„Штрајкот ќе започне во 22 часот по локално време (20:00 часот по Гринич) во недела и ќе продолжи до полноќ (22 часот по Гринич) во вторник“, рече членот на одборот на ЕВГ, Козима Ингеншај на прес-конференција во Келн.
Се очекува, предупредувачкиот штрајк, трет во исто толку месеци, да предизвика доцнење и откажување на регионалните и меѓуградските патнички возови низ целата земја.
ЕВГ, која има околу 230.000 членови, моментално е во преговори за платите со националниот железнички оператор Дојче Бан и уште околу 50 други железнички компании.
Поради високата инфлација и зголемените животни трошоци, синдикатот бара зголемување на месечните плати за 12 отсто и не помалку од 650 евра.
