Албанската министерка за надворешни работи, Олта Џачка на собир на на Советот сајбер безбедност изјави дека имаат неоспорни докази дека Иран ги оркестрирал и спонзорирал сајбер нападите во Албанија, пренесуваат меѓу другото албанските медиуми, а во косовските медиуми денеска главниот фокус е на изјавата на Поранешниот американски претставник за дијалогот Косово-Србија, Ричард Гренел, кој побара да се ослободи поранешниот претседател Хашим Тачи.
Ова се само дел од темите од редакцискиот избор на ЦИВИЛ Медиа од албанските медиуми во регионот.
АЛБАНИЈА
Арбреш – Џачка од Њујорк: Имаме неоспорни докази дека сајбер нападот е оркестриран и спонзориран од Иран
„Сајбер нападот во Албанија, имаме неоспорни докази дека е оркестриран и спонзориран од Иран. Штетата беше содржана, но тоа беше доказ за бруталноста на злонамерните сајбер активности. Таквите дела претставуваат закана за меѓународниот мир и безбедност и мора да се третираат како такви. Постапките на Русија предизвикаа метеж во комуникацијата не само во Украина, туку и во други делови на Европа, изјави Министерката за надворешни работи на Албанија, Олта Џачка на средба на Советот сајбер безбедност организиран од Албанија и САД.“, пренесе Арбреш.
Топ Чанел – Рама: До следниот април просечната плата ќе достигне 900 евра
“Рама од говорницата на Собранието рече дека Албанија денеска не е на исто ниво како регионот поради последователните проблеми со кои се соочи, како што се земјотресот, пандемијата и агресијата на војната.
Со денешното гласање го отвораме патот за процес кој следниот април ќе не доведе до 900 евра просечна плата. Секако дека ќе се зголемат и другите плати, но со ова што го работиме денеска ќе се искачиме во најплатените земји во регионот“, пренесе Топ Чанел.
КОСОВО
Блиц: Над 10.000 косовски Срби заминуваат во Белград во знак на поддршка на Вучиќ
„Околу 200 автобуси со косовски Срби заминаа вчера и утрово од Северна Митровица, Грачаница, Лепосавиќ, Зубин Поток, Штрпце кон Белград на покана (и обврска) на српскиот лидер Александар Вучиќ да учествуваат на контра- протест организиран од него против протестите на десетици илјади граѓани кои со денови протестираат против неговиот деспотизам во Србија.“, пренесува косовскиот медиум Блиц.
Клан Косова – Гренел: Тачи веднаш да биде ослободен, Европејците прават валкана работа
„Поранешниот американски претставник за дијалогот Косово-Србија, Ричард Гренел, побара итно ослободување на поранешниот претседател Хашим Тачи.
За раната што е додадена на болката од војната во Косово, држењето на Тачи во затвор, Гренел рече дека Европејците прават валкана работа.“, пренесува Клан Косова.
Газета Експрес: КБС распоредува контингент во Северна Македонија
Косовските безбедносни сили преку соопштение за медиумите велат дека нивниот контингент распореден во Република Северна Македонија покажува високо ниво на подготвеност.
„Контингентот на Косовските безбедносни сили распореден во Република Северна Македонија, приклучен на Работната група Југ во мултинационалниот баталјон, изврши патролирање на ниво на вод, вклучително и мобилни контролни пунктови, и продолжи со одбранбените операции на кампот според сценарија подготвени од вишата команда, со цел тестирање и подготовка на војниците во вежбата“, се наведува во соопштението до КБС“, пренесе Газета Експрес.
КОЛУМНА
Бота Сот: Ние избегавме за да не станеме Срби, а вие, зошто бегате денес?
„Мојот пријател Роберт Хамерлингер е со албанско потекло, не знае точно како се викало нивното село, но вели дека тие се преселиле некаде од областите на Санџак во Ниш во 1881 година. Во тоа време нивното село се состоело од 54 албански семејства од православна вера. Бидејќи Србите имаа поголема слобода под турско владеење, оние што го избегнаа преминувањето во ислам беа напишани како Срби, како Албанци христијани, и православните и католиците страдаа повеќе од робот и селото имаше уште 23 албански куќи кои беа од исламска вероисповед. Според зборовите што ги слушнал од своите предци, повеќето жители на тие краишта го прифатиле исламот, но нивното село успеало да го избегне ова покрстување.“, пишува авторот Рамиз Селими во колумната „Ние избегавме за да не станеме Срби, а вие, зошто бегате денес?“, објавена во косовскиот дневник Бота Сот.
Д. Тахири / Цивил Медиа
