52-годишен професор од средно училиште во Хрватска, бил пријавен за неовластено снимање и сексуално вознемирување. Истиот е приведен и му се одредени мерки на претпазливост и тоа забрана за приближување и забрана за воспоставување контакт со две ученички. Моментално е на слобода, пишува Слободна Далмација.
Директорот на гимназијата прв ја известил полицијата дека родителите на децата го контактирале, а спорно е патувањето на средношколците во Италија во периодот од 3 до 6 мај кога средношколка пријавила дека професорот сексуално ја вознемирувал.
Уште една ученичка дошла заедно со нејзините родители и пријавила во полиција дека професорот без дозвола ги снимал на екскурзијата. Тој влегол во хотелската соба околу шест часот наутро и ја фотографирал неа и нејзините пријателки додека спиеле во креветите за да им ги покаже фотографиите што ги направил на крајот. Професорот со овие две кривични пријави е спроведен во Општинското државно правобранителство, но по распитот е пуштен со мерки на претпазливост.
Од Слободна Далмација во два наврати му се јавиле на директорот на училиштето, но тој не одговорил.
Полицијата за овој инцидент не известила заради заштита на децата и малолетниците, а општинското државно правобранителство се уште интензивно работи на овој процес.
Не се знае дали професорот е суспендирам или сè уште работи во училиштето, јавуваат од Слободна Далмација
