Борбата со инфлацијата во исклучително тежок момент оди добро, платите растат побрзо од скокот на цените, а пензијата е пред редовно, уште едно усогласување во септември. Бидејќи акциите против „енормниот скок на струјата“ пропадна како редовна бунтовничка активност на теренот две години по ред, организирани од страна на опозицијата, се одеше на епизодата – храната е скапа, пишува Љубомир Костовски во анализата за ЦИВИЛ Медиа објавена денеска, под наслов „Пензиите како политичка вијагра на груевизмот“.
Како одговор на прашањето дали и каква е партиската позадина на протестите на дел од пензионерите и во прилог на споменатата анализа, говорат и фотографиите на социјалните мрежи и снимките во медиумите. Имено, во првите редови на протестите може да се забележат членови на ВМРО-ДПМНЕ. За што се работи?
Тие се против постигнатиот договор меѓу Владата и Сојузот на пензионери за новата методологија за покачување на пензиите. Впрочем, како и во повеќе други области, така и овде, се бележи тенденција на опозициското ВМРО-ДПМНЕ, да протестира токму против успешните политики на владата, како што е случајот со пензиите, како што оценува аналитичарот Костовски.
Конкретен пример за партиската позадина на протестите на пензионерите, се и оние одржани во Прилеп. Медиумите споделија фотографии од настанот, а на нив може да се забележат и членови на партиските структури на ВМРО-ДПМНЕ. Доволно е да се споредат Фејсбук профилите со фотографиите од настаните и ќе се извлече заклучокот дека партиски кадри на ВМРО-ДПМНЕ се организатори на протестите на дел од пензионерите.
Едноставно, ВМРО-ДПМНЕ оваа партија продолжува да ги манипулира пензионерите, исто како во времето на груевизмот.
Протестите започнаа со барањето за линеарно покачување од 3.500 денари на пензиите, иако со новата методологија, актуелна методологија, пензионерите добија повисоки пензии за околу 21 отсто за само година и пол.
Според Министерството за труд и социјална политика, актуелната методологија за порамнување на пензиите обезбедува историски најголем и континуиран раст на пензиите, а протестите не се решение.
Како што е познато, според новата новата методологија, во септември 2022 година порастот беше 6,8 отсто, во март оваа година 8,4 отсто. Според моменталната проекција за септември 2023 година, се најавува раст за најмалку 6 отсто.
Д. Е.
