Политичката криза во Северна Македонија по дебатите за уставните измени заврши неубедливо, а гласањето за нив е одложено на неодредено време. Пратениците во Скопје дебатираа дали да го променат највисокиот правен акт во земјата, вклучително и дали Бугарите треба да бидат вклучени во Уставот. Според аналитичарите, Северна Македонија ризикува сериозно да заостане во преговорите со ЕУ.
Меѓусебни обвинувања, политички ќорсокак и купување време, таква атмосфера владее во Република Северна Македонија по дебатите за уставни измени, пренесува БНТ1.
Претседателот Стево Пендаровски и се придружи на владата на Социјалдемократскиот сојуз во обвинувањата кон конзервативците од опозицијата дека немаат алтернатива за „францускиот предлог“ и дека е невозможен друг пат кон ЕУ.
ВМРО-ДПМНЕ сака нови избори, но засега немаат широка поддршка од албанските партии. Владетелите ќе купат време да соберат 80 пратеници.
И за ова време земјава сериозно доцни со спроведувањето на договореното на патот кон ЕУ.
Во прашање не е само европската интеграција на Република Северна Македонија, туку и етничките односи во земјата, објаснува публицистот Џабир Дарела. Албанците во земјата се цврсти поддржувачи на пристапувањето, а заостанувањето зад Албанија на патот кон Брисел може да доведе до тензии во земјата.
Според Димитар Николовски, минимални се шансите да се промени уставот. Но, тој смета на САД да влијаат врз опозицијата.
Премиерот Димитар Ковачевски и Владата порачаа дека не се откажуваат од процесот и дека ќе бараат начини да се постигне мнозинство од 80 пратеници. Премиерот ја обвини опозицијата на ВМРО-ДПМНЕ дека го блокира европскиот пат на државата.
Претседателот Стево Пендаровски ги праша конзервативците од ВМРО-ДПМНЕ, без чии гласови не може да се постигне двотретинско мнозинство во Собранието за да се изгласаат измените, каква алтернатива нудат?
Опозицијата остана цврста, и веднаш по расправите побара брзо гласање во Собранието за да биде јасно дека кабинетот нема мнозинство и дека избраниот пат кон ЕУ – францускиот предлог – води во ќорсокак.
Предлозите за измени на Уставот предвидуваат во основниот закон да се вклучат бугарскиот, хрватскиот, црногорскиот, словенечкиот, египетскиот и еврејскиот народ, со што би се гарантирале нивните права и активно учество во политичкиот живот на земјата.
Подготви: Д. Мишев / Цивил Медиа
