Железничкиот сообраќај во јужна Кина е прекинат, а луѓето се предупредени да бидат подалеку од брегот додека тајфунот Саола се приближува кон копното, јавија локалните медиуми.
Прекините на клучните железнички линии што се движат од север кон југ, како и на регионалните мрежи, ќе започнат денеска и ќе траат до 6 септември, јави CCTV.
Кинескиот национален метеоролошки центар соопшти дека се очекува тајфунот да стигне на копно во петок попладне во јужната провинција Гуангжу со ветрови од 119 километри на час.
Бурата потоа ќе се движи кон запад, надолу по брегот во регионот Гуангкси, пред да се врати на брегот и да ослаби во недела наутро.
Издадено е црвено предупредување за потенцијално разорни ветрови и можни поплави, а во некои области се очекува да наврнат и до 200 милиметри дожд.
