Холивудскиот актер Том Хенкс предупреди дека огласот што се чини дека го кажува тој, е всушност лажен, креиран со вештачка интелигенција (ВИ).
„Има видео каде што промовира некој дентален план со моја верзија со вештачка интелигенција. Немам никаква врска со тоа“, напиша актерот на Инстаграм, пренесува Би-Би-Си.
View this post on Instagram
Хенкс претходно зборуваше за „уметничкиот предизвик“ што вештачката интелигенција ја поставува во неговата индустрија, а ова прашање беше централно во неодамнешните штрајкови на холивудските актери и писатели.
Како што системите за вештачка интелигенција растат во моќ и софистицираност, така расте и загриженоста за нивната способност да создаваат уште пореални виртуелни верзии на вистински луѓе – што понекогаш се нарекуваат „длабоки фејкови“.
На голем број славни личности – вклучувајќи го и финансискиот експерт за потрошувачи, Мартин Луис – им се користеа сличности во длабоки фејкови, кои често се користат за измама.
Употребата на длабок фејк во порнографијата, понекогаш користена како форма на одмазда, ја поттикна владата да го заостри законот во Англија и Велс за да го олесни гонењето на престапниците.
Лажните слики со вештачка интелигенција и видеа на политичари, исто така, го влошуваат проблемот со дезинформациите на интернет. Поранешниот американски претседател Доналд Трамп и актуелниот лидер на Украина, Володимир Зеленски, се меѓу оние кои беа мета.
Во септември, Гугл објави дека ќе бара од сите политички реклами што се појавуваат на неговата платформа да обелоденат дали се создадени со вештачка интелигенција.
Видео манипулацијата со вештачка интелигенција може да се користи и на неконтроверзни начини – на пример, пионерските виртуелни концерти со бендот „АББА“.
Можноста вештачката интелигенција да се користи за продолжување на кариерите на изведувачите беше нешто за кое Хенкс разговараше кога се појави на подкастот на Адам Бакстон во мај.
„Го видовме ова како доаѓа, видовме дека ќе ја имаат оваа способност да се земат нули и единици од внатрешноста на компјутерот и да се претворат во лице и лик. Тоа се зголеми само милијарда пати од тогаш и го гледаме насекаде. Сега секој може да се креира себеси на која било возраст преку вештачка интелигенција или длабока фејк технологија. Утре би можел да ме удри автобус и тоа е тоа, но изведбите можат да продолжат и да продолжат“, вели Хенкс.
