Од 16 до 18 октомври во Брисел тема на скрининг средбите беше Поглавје 11 – Земјоделство и рурален развој.
Сесиите беа поделени по различни сектори, а излагањата на тимот од МЗШВ, Платежна Агенција и Државниот инспекторат за земјоделство, како и претставникот на ДКСК според агендата поделени во трите дена.
Преглед на земјоделската стратегија, финансирање и мерки за поддршка, планови за усогласување на нашето, со правото на #ЕУ, национална поддршка за рурален развој, беа дел од првиот ден на скринингот. Во таа насока МЗШВ информираше за активностите:
-Го донесовме правилникот за вкрстена сообразност и кај новиот модел за субвенционирање преку повеќе нивоа на проверки ја зголемивме и контролата на исплата, намалувајќи ја можноста за злоупотреби на субвенциите.
-Креиравме програма со која го поддржуваме откупот на свежо домашно овошје, обезбедувајќи здрава ужинка за секое дете.
– Активно работиме во зголемување на капацитетот на Платежната Агенција.
– Преку интегриран систем на администрација и конторла ИАКС се врши спроведувањето на мерките за директни плаќања. Овој систем обезбедува усогласено функционорање и размена на податоци меѓу #МЗШВ, #АФПЗРР и #АХВ.
Земја лидер сме во искористеност на #ИПАРД со досега искористени 98% од средствата, нула евра вратени европски пари и први во регионот запожнавме со реализација на #ИПАРД 3 програмата.
Ова е само дел од напредокот, кој на првиот ден од скринингот за Поглавје – 11 го презентираше делегацијата од Република Северна Македонија, пред експертите на Европската Комисија во Брисел.
Вториот ден продолжи со приложување на резултатите од сработеното во земјоделството пред #ЕК во Брисел. 
Македонското вино е нашата најголема национална гордост.
-13 земја во светот сме по девизен прилив од извоз на вино.
-Испишавме историја со над 200 мали семејни винарии.
-За уште поголеми резултати подготвивме и нов Закон за вино, целосно усогласен со европските регулативи, и 10 годишна стратегија за виното по сектори.
-Од 2017 до денес за поддршка на винариите за учество на меѓународни саеми, сме издвоиле повеќе од 1 милион евра.
-Покрај редовните субвенции, земјоделците ги помагаме со програмата “здрав оброк за секое”, за која издвоивме 40 милиони денари со кои ќе се откупат 880.000 килограми свежо сезонско овошје.
Активно работиме на промоција на нашето, традиционално, македонско. Локалните манифестации се од исклучително значење за државата во промоција на убавите домашни прoизводи. Оваа година за нивна подрршка обезбедивме буџет од 10 милиони денари, за што повеќе локални настани низ државата.
Успешно го организиравме и вториот Национален саем за храна и пијалоци “Вкуси ја традицијата”, со над 400 производители и над 2000 производи.
Нашето македонско вино, сирење, млеко, органски производи, традиционални специјалитети ги промовираме и на бројните светски саеми. Целта ни е да го покажеме нашето богатство и потенцијал за развој што го имаме под ова македонско сонце.
Нашата делегација со детални презентации за земјоделските пазари, политиките на квалитет, органското земјоделство и промоцијата на земјоделските производи.
Усогласувањето на законодавството и имплементацијата на стандардите на ЕУ за ова поглавје, значи модерно и конкурентно земјоделство и квалитетни производи кои ќе можат да се пласираат на европскиот пазар.
Со имплементација на стандардите на ЕУ ќе имаме конкурентно земјоделство на европскиот пазар. Денес во Брисел завршува тридневниот билатерален скрининг за Поглавје 11: Земјоделство и рурален развој, дел од Кластер 5 – Ресурси, земјоделство и кохезија.Во текот на овие три дена македонската делегација пред експертите на Европската Kомисија реализираше над 40 презентации во врска со постојната законска рамка во областа на земјоделството и руралниот развој, интервенциите на земјоделскиот пазар, системите за контрола на квалитетот на земјоделските производи, трговските механизми, спроведување на анти-кризните мерки како и многу други аспекти кои го регулираат пласманот на земјоделските производи во нашата земја.
Марк Јорна, скрининг-координаторот за Северна Македонија и експерт за Западен Балкан во Генералниот директорат за соседство и преговори за проширување на Европската Комисија, на последниот ден од сесијата се заблагодари на ангажманот и професионалноста на тимот и покрај сугестиите за побрзо прилагодување на секторот со Заедничката земјоделска политика на ЕУ, кратко порача – Продолжете со добрата работа!
Преземено: Агротим.мк
