Како и за многу други прашања, политичките партии во Северна Македонија имаат различни позиции и за војната меѓу Израел и Палестина. Иако мнозинството се против терористичките напади на Хамас, има и такви кои го критикуваат Израел за етничкото чистење на Палестина.
Двете најголеми политички партии во земјата, владејачката СДСМ и опозициската ВМРО-ДПМНЕ, иако имаат дијаметрално спротивни разлики во однос на евроинтеграцискиот пат на Северна Македонија, во однос на војната меѓу Израел и Палестина, имаат слични позиции.
– Силно и недвосмислено ги осудуваме терористичките напади на Хамас врз Израел. Нашите мисли се со израелскиот народ, со кој се солидаризираме и сочувствуваме. Апелираме за решенија преку дијалог, на светот му е потребен мир, се вели во објава на премиерот и лидер на СДСМ – Димитар Ковачевски на социјални мрежи.
„Силно и недвосмислено ги осудуваме терористичките напади на Хамас врз Израел. Нашите мисли се со израелскиот народ, со кој се солидаризираме и сочувствуваме. Апелираме за решенија преку дијалог, на светот му е потребен мир“, стои во објавата на Ковачевски.
Иако од опозициската ВМРО ДПМНЕ побаравме став во врска со војната меѓу Израел и Палестина, од нивниот одговор, освен што го поддржуваат Израел, другиот дел од соопштението е посветен на Владата и на претседателот на државара.
Од друга страна, за разлика од тоа што одговара ВМРО ДПМНЕ, владата на Северна Македонија, од почетокот на нападите на Хамас врз Израел, ги окарактеризира како терористички акти, усогласувајќи се со САД и многу други демократски земји кои ги осудуваат терористичките акции на Хамас.
Поради коректноста и професионалниот пристап на „Фронтлајн“ го објавуваме целосниот одговор на опозициската партија ВМРО ДПМНЕ.
Портпаролката на ВМРО-ДПМНЕ, Марија Митева пренесувајќи го партискиот став, во изјава за „Фронтлајн“ вели дека во време кога светот и Македонија застануваат и даваат недвосмислена поддршка за Израел и ги осудуваат терористичките напади на Хамас, висок началник во Министерството за внатрешни работи дава јавна поддршка на нападите на Хамас врз Израел.
– Цениме дека е потребно да се побара став од власта за ова прашање, од Спасовски, Пендаровски и Османи дали ќе го осудат и ќе се оградат од нивниот поддржувач кој има вакви ставови? Видовме и како околните држави праќаа чартер летови, праќаа летови во Израел, каде што беше јасна агресијата на терористичката Хамас врз недолжното население во делот на државата Израел, и навистина тоа е напад без преседан, кога гледате како цивили долго време се држат како заробеници и како цивили буквално страдаат под налетот на овие терористи, околните држави си се снајдоа си испратија чартер летови, државјани на Црна Гора, на Србија на Хрватска, на Босна и Херцеговина, а за жал нашите сограѓани немаше со денови кој да ги донесе, изјави Митева за „Фронтлајн“.
Левица смета дека се врши етничкото чистење и геноцидот врз Палестинците и, како што велат, тоа не смеат да го премолчуваат.
– Левица изразува солидарност со палестинскиот народ, но и со сите невини и цивилни жртви од двете страни како резултат на нападите и последица на неразумното користење прекумерена воена сила од страна на Израел во конфликтот со Хамас. Од страна на нашите пратеници ќе биде поднесено Декларација во Собранието на Република Македонија, и претставувајќи го мислењето на огромен дел од македонскиот народ, побараме од Собранието да заземе поинаков став од оној на Владата, кој инспириран од западноцентристичките политики, поддржува очигледни воени злосторства, се вели меѓу другото во партиската реакција на Левица.
Министерот за надворешни работи и потпретседател на ДУИ, Бујар Османи, ги осуди нападите на Хамас врз Израел.
„Продолжува нашата целосна солидарност со Израел, овие акти на терор мора веднаш да престанат“, напиша Османи на социјалната мрежа „Икс-X“.
За разлика од Бујар Османи, пратеникот и претседател на партијата „Попули“ (Народот), Скендер Реџепи Зејд, има поинаков пристап кон војната меѓу Израел и Плестина. Но тој нагласува дека неговите ставови се лични, и дека не се ниту како лидер на партија, ниту како пратеник.
– Моите објави и изјави поврзани со израелскиот државен терор врз невиното палестинско население, не се направени ниту во својство на партиски лидер, ниту во својство на пратеник, туку едноставно во својство на човек и родител со совест и чувство на болка од убивањето и масакрот на децата, убивањето на детските соништа од нивната иднина. Бидејќи јас по природа сум против насилство без разлика против кого се користи, го кренав гласот и против убиствата на невини израелски цивили. Но, овде не можеме да прави паралела на еднаквост меѓу двата народа затоа што имаме работа со окупатор и окупиран, со народ кој ги живее сите слободи и придобивки во време кога на другиот му се ускратуваат дури и основните човекови права, едноставно си имаме работа со два различни света каде жртва е само палестинскиот народ, изјави Реџепи за „Фронтлајн“.
Тој нагласува дека со убивањето на палестинските деца е убиена и совеста и човечноста на цивилизацијата, сенката на нивната крв ќе тежи на душите на целиот свет.
Дестан Јонузи
