Министерот за здравство д-р Фатмир Меџити денеска го посети Универзитетскиот Институт за радиологија по повод нов Дигитален рентген РТГ апарат за динамички флуороскопски и радиографски снимања на деца во оваа установа.
„Денеска сме во посета на Институтот за радиологија по повод нов Дигитален рентген РТГ апарат за динамички флуороскопски и радиографски снимања на деца во оваа установа. Инсталирана и завршена е техничката обука за користење на апаратот. Набавен е од Министерство за здравство во вкупна вредност од 23 милиони денари. РТГ апаратот е неопходен за најмладите пациенти и посебно важен за дијагностиката“, изјави Меџити..
Тој нагласи дека ваков сличен апарат имаше и претходно на кој во просек се работеа околу 3000 прегледи за најмладата популација од 0-14 години.
„Установата, исто така доби и мамомат со томографија и стереотаксична биопсија, како и ехо апарат со еластографија кои се важни за рана дијагностика на рак на дојка. Ова покажува дека водиме грижа за рано детектирање и превенција од ваков тип малигно заболување. Со инвестиции во опрема продолжуваме и во наредниот период, грижејќи се за нејзино континуирано модернизирање и обвновување“, потенцира Меџити.
