Лејтан Фридрих Ленгфелд војник на Вермахт за време на Втората светска војна бил командант на четата од баталјонот Fusilier на 275-та пешадиска дивизија и е познат по тоа што го жртвувал својот живот додека се обидувал да спаси ранет американски војник кој нагазил на нагазна мина.
Во 1944 година, за време на борбите во Битката кај шумата Хуртген во близина на белгиско-германската граница, околу минското поле имало интересна ситуација.
Ноќта на 12 ноември 1944 година, американските војници накратко ја презеле главната позиција кај шумата Хуртген, но во утринските часови биле одбиени од Германците.
Утрото, германските војници слушнале повици за помош и крици од болка од минското поле. Тоа било ранет американски војник кој викал за помош на насипот на источниот пат, среде ничија земја меѓу првите борбени линии.
Поручникот Ленгфелд дал наредба под никакви околности да не се пука во американските медицински лица кои би можеле да се приближат, за да можат да го спасат и лекуваат ранетиот војник.
Бидејќи повиците на ранетиот војник за помош продолжиле и по неколку часа, поручникот Ленгфелд им нареди на своите болничари да формираат спасувачки тим. Тој го предводел тимот под симболот на Црвениот крст. Кога Ленгфелд се приближил до тешко ранетиот Американец, експлодирала противпешадиска мина.
Шрапнелите му нанеле сериозни внатрешни повреди на Ленгфелд. Подоцна тој им подлегнал на повредите.
За жал, нема сигурни информации за идентитетот и судбината на ранетиот американски војник на минското поле.
На гробиштата на честа Хуртген, има споменик во негова чест, што Здружението на ветерани на 22-от американски пешадиски полк од 4-та пешадиска дивизија го подигна на 7 октомври 1994 година во чест на Ленгфелд.
Овој и споменикот во чест на Карл-Хајнц Рош во Холандија се единствените познати споменици за германските војници на Вермахт што биле подигнати од тогашните противници.
Подготви: Ј. Ѓ.
