Покрај тоа што ќе биде нелегитимна, најавената Влада што доаѓа сега се додава и со антиалбански, антизападни и антиуставни елементи во однос на соседните земји, реагираат со соопштение од Алијанса за Албанците (АА).
„Министерот и вицепремиер кој ќе биде посветен на Охридскиот договор, Иван Стоилковиќ, е познат по својот проруски став и во линија со српскиот претседател, Александер Вичич, не ја признава независноста на Косово, со што сериозно го крши Уставот на земјата, како и го негира геноцидот во Сребреница и истиот го исмева.
Јавно бараме пред гласањето на владиниот кабинет, Стоилковиќ јавно да се изјасни за признавање на Косово како независна држава, признато со Уставот на земјата, како и да се огради од Путин и Вучиќ и да се изјасни за ЕУ и САД. Дополнително, Стоилковиќ мора да го прифати и српскиот геноцид во Сребреница во согласност со резолуцијата на Генералното Собрание на ОН за која гласаше и Северна Македонија.
Апелираме и до коалицијата која ги загуби парламентарните избори (Вреди) барем во овој дел да не биде сервилна и да не се согласува да биде во Влада додека Стоилковиќ не ги даде горенаведените изјави“, се наведува во партиското соопштение на АА.
Поврзано:
Мицкоски за реакциите за Стоилковиќ: Секој член на оваа влада мора да има промакедонски позиции
