„10 закони по скратена постапка, предложени од пратениците на ДПМНЕ, скроени по мерка на бизнисменот во енергетиката Мицковски, в.д Премиер беа донесени и ги поминаа сите фази на донесување на закон во рок од 8 часа. Нема ни “р” од реформа, има само план скроен по мерка на Мицковски за да ги испере 500 милиони евра земени од Будимпешта. Мицковски го свитка р’бетот во Вашингтон, неговите послушници во Скопје ги “голтнаа” 10 закони по скратена постапка“, реагира во објава на Фејсбук пратеничката од СДСМ, Славјанка Петровска.
Вчера во скратена постапка без расправа Собранието усвои десет предлог-закони со кои се доуредуваат надлежностите на Министерството за енергетика.
Пратениците, во рамки на 10. собраниска седница во скратена постапка без расправа ги усвоија Предлог-законот за изменување и дополнување на Законот за енергетика, Предлог-законот за изменување и дополнување на Законот за Геолошкиот завод на Република Македонија, Предлог-законот за изменување и дополнување на Законот за енергетска ефикасност, Предлог-законот за изменување и дополнување на Законот за концесии и јавно приватно партнерство и Предлог-законот за изменување и дополнување на Законот за метрологијата.
Собранието ги донесе и Предлог-законот за изменување и дополнување на Законот за минерални суровини, Предлог-законот за изменување и дополнување на Законот за контрола на предметите од скапоцени метали, Предлог-законот за престанување на важењето на Законот за основање на Агенција за енергетика на Република Северна Македонија, Предлог-законот за изменување и дополнување на Законот за задолжителни нафтени резерви и Предлог-законот за изменување и дополнување на Законот за техничката инспекција, кои, исто така, треба да се донесат по скратена постапка.
Поврзано:
