Tри лица загинаа во пукање во средно училиште во Сански Мост, во Босна и Херцеговина, откако вработен во гимназијата пукал во директорот, секретарката и професорка, пренесува МИА.
Според локални медиуми, човекот влегол со автоматска пушка во училишните простории и отворил оган и притоа ги убил – директорот Нијаз Халиловиќ, професорката по англиски јазик Гордана Миџан и секретарката на училиштето Нисвета Кљуниќ. Телата на убиените се пренесени во Здравствениот дом Сански Мост, полицијата е на местото на злосторството.
Според локалните медиуми , извршителот на злосторството си пукал во главата и е пренесен во тешка состојба во болницата во Сански Мост. Пред извесно време против него била поднесена дисциплинска мерка и имал несогласувања со училишното раководство.
