Парламентот на Нов Зеланд беше привремено суспендиран од пратениците кои изведоа хака, поради гневот поради контроверзниот предлог-закон со кој се сака да се реинтерпретира основачкиот договор на земјата со народот Маори, пренесува Би-Би-Си.
Пратеничката од опозициската партија Хана-Равити Маипи-Кларк го започна традиционалниот церемонијален групен танц откако беше прашана дали нејзината партија го поддржува законот, кој се соочи со првото гласање во четвртокот.
Meanwhile, New Zealand’s Parliament: pic.twitter.com/ocgP7H62ia
— End Wokeness (@EndWokeness) November 14, 2024
Во исто време, хикои – или мирен протестен марш – организиран од група за права на Маори продолжува да се движи кон главниот град Велингтон.
Илјадници луѓе веќе се приклучија на 10-дневниот марш против законот, кој стигна во Оукланд во средата, откако започна во понеделникот на крајниот север на Нов Зеланд.
Земјата често се смета за лидер во правата на домородните луѓе, но противниците на законот стравуваат дека истите тие права се изложени на ризик со овој предлог-закон.
Акт, политичката партија која го воведе предлог-законот, тврди дека има потреба правно да се дефинираат принципите на Договорот од Вајтанги од 1840 година, кој е фундаментален за расните односи во Нов Зеланд.
Основните вредности на договорот, со текот на времето, се вткаени во законите на Нов Зеланд во обид да се поправат погрешните работи кон Маорите за време на колонизацијата.
Подготви: Ј. Ѓ.
