Италијанецот Јаник Синер вечерва го победи Американецот Тејлор Фриц во мечот за трофејот на Завршниот АТП турнир во Торино.
Во меч што траеше 1 час и 20 минути домашниот тенисер славеше во два сета, два пати со по 6:4.
Првиот светски рекет сервира 14 аса и реализираше 2 од 6 брејк топки.
Американецот имаше осум аса и две двојни грешки.
Синер првпат победи на Завршниот турнир. Во 2023 година стигна до финалето, губејќи од Србинот Новак Ѓоковиќ.
Италијанецот го освои осмиот турнир оваа година, вклучувајќи ги Австралија Опен и УС Опен.
