Студентите на Универзитетот во Ниш, кои денеска упаднаа на јавната расправа организирана од Министерството за образование во Градското собрание поради што расправата беше прекината, по краток престој пред од собраниската зграда, мирно се вратија на своите факултети.
Министерката за образование Славица Ѓукиќ Дејановиќ и нејзините колеги ја напуштија зградата пред да си заминат студентите и не им се обратија како што бараа.
Деканката на Филозофскиот факултет Наталија Јовановиќ која денеска заедно со студентите беше во зградата на Градското собрание порача дека надлежните треба да ги слушнат и исполнат барањата на студентите.
– Така е насекаде во светот. Во Финска на барање на учениците се менува концептот на образование, така што сега образованието не се сведува на предметна настава туку на проблемска настава, изјави Јовановиќ.
Според неа, како што пренесе Бета, блокадите на факултетот во Ниш се одвиваат без проблеми и студентите не се под притисок, но таа е.
– Анонимно праќаат дописи измислени студенти од Нишка Бања дека саат да одат на настава. Мојата врата и вратите на моите колеги се отворени, секој студент може да дојде и да каже доколку има проблем што треба итно да се реши. Не се појави ниту еден студент, а ние секогаш ќе најдеме решение, рече Јовановиќ.
Министерката за образование на Србија Славица Ѓукиќ Дејановиќ и нејзините соработници во Ниш требаше да ги презентираат измените на Законот за основите на образовниот систем, Законот за предучилишно образование, Законот за основно образование и Законот за средно образование.
