ДРАГАН МИШЕВ
Критиките дека Влатко Ѓорчев, националниот координатор за демографија, млади и човечки ресурси, откако доби државна функција ги заборави сопствените заложби кои ги практикуваше додека беше во опозиција, а се однесуваа на „егзодусот“ на учениците во Северна Македонија, очигледно не влијаат на докажаниот партискиот војник.
Мува не го лази националниот координатор за демографија, млади и човечки ресурси, ниту за демографијата, ниту за маладите ( освен ако не се работи за УМС), ниту за отпишувањето на учениците од основните и средни училишта во земјава, ниту за празните училници, ниту за критиките. Си се закачи Влатче на државани јасли, цица од буџетот кој го полнат сите граѓанки и граѓани, и си тера партиска агенда.
Национален координатор е само според изворот на неговите приходи, односно од каде прима плата, инаку називот и описот на измислената функција за „ухлебување“ на партиските полтрони би требало да биде – партиски координатор. Барем тоа може да се заклучи од активностите кои Влатче ги објавува на својот Фејсбук профил: Партиски предавања, седенки со Општински комитети, централни одбори и членството на ВМРО – ДПМНЕ.
Демир Капија – состанок со ОК и членството, Гевгелија – работен состанок со ОК и членството, Богданци – Срдечна средба со граѓаните, членството и активистите, ОК Дојран – одличен состанок и добра атмосфера, се партиските активностите на националниот координатор со државни пари. И тоа само во ноември.
Истовремено, со парите на граѓанките и граѓаните кои од буџетот се одвојуваат за платата на координаторов/вмровски активист, наводно во висина од 120.000 денари месечно, тој почнал да си тера изборна кампања за локалните избори.
Ќе победиме на локалните избори 2025, со гордост ќе изјави во Богданци додека гордо ја троши буџетската сметка.
Па после „патриотиве“ги опструирале, ги кочеле и не сакале отпочнување на преговори за членство во ЕУ. Па ваква јагма, и овци за стрижење никаде нема да најдат.
Преземено: Цивил Медиа
