Германскиот производител на луксузни автомобили „Порше“ денеска објави пад на продажбата во текот на минатата година на светско ниво. Испораките, во таа смисла, се намалени за три отсто – вкупно околу 310.700 возила, соопшти производителот на спортски автомобили, којшто е дел од групацијата „Фолксваген“.
Додека автопроизводителот забележа раст во четири од своите пет глобални реони – вклучително и матичната Германија, падот на продажбата во Кина е 28 отсто, што компанијата им го припишува на тековните економски предизвици во тоа подрачје.
Детлев фон Платен, член на одборот на „Порше“ одговорен за продажба, рече дека палетата на производи на брендот го правиат донекаде привлечен за купувачите. Но, тој исто така призна дека економските и геополитичките услови оваа година се очекува да претставуваат уште поголеми предизвици.
