Сценаристот и универзитетски професор Небојша Ромчевиќ денеска е со студенти во Автокоманда во Белград, пренесува Н1. Тој дојде за, како што вели, да го „пази грбот“ на студентите во колоните и ги повикува сите во Белград да дојдат да ги поддржат младите, и „Почувствувајте ја исцелителната моќ на меѓусебната солидарност и универзалната љубов“.
„Денеска се собравме буквално да го чуваме грбот на студентите. Отидовме на крајот, за да нема повеќе удари во колоната или најранливиот дел од колоната. И тогаш студентите, кои се неверојатно организирани, малку по малку нè раздвижуваа, за да направат простор за нови луѓе. На секои 15 минути има се повеќе луѓе. Ако го гледате ова и сте дома, а сте во Белград – ја пропуштате забавата на животот. Ова е прекрасно, ова е неверојатно… и секој што може да се движи нека биде тука. Не само да ги поддржиме студентите, туку да ја почувствуваме исцелителната моќ на меѓусебната солидарност и, да бидеме патетично, општата љубов што не проникнува сите нас овде“, истакна Ромчевиќ.
Тој вели дека оваа поддршка е особено важна во последните неколку дена, кога секој ден се случува нов чекор и кога „се приближуваат до целта која се уште не е целосно дефинирана“.
„Најважно од се, секој ден и секој чекор нè зближува еден до друг. Што и да се случи и како и да се случи, она што го гледаме овде се луѓе кои никогаш повеќе нема да молчат, кои нема да се согласат на нешто што е незаконско, неморално. Мислам дека, како и многу луѓе на моја возраст, веќе запаѓав во одредена апатија… и сега чувствувам, гледате – носам капа и ја пуштам музиката на мојата средна младост“, рече професорот и ги покани сите да дојдат да танцуваат, особено вечерва кога, како што вели, нема да биде топло и пријатно.
Денеска во 10 часот започна 24-часовна блокада на Автокоманда во Белград.
Студентите ги повикаа граѓаните да им се придружат и изјавија дека смените ќе траат четири часа. Тие апелираа до сите да се придржуваат до договорените правила и да ги почитуваат упатствата на организаторите.
Ј. Ѓ.
