Унгарските претставници го блокираа заедничкото соопштение на земјите од Европската унија со кое се отфрлаат претседателските избори во Белорусија, објави Радио Слободна Европа (РСЕ) од Брисел.
Во недостиг на потписи од претставници од сите 27 земји на ЕУ, високата претставничка на ЕУ за надворешна политика и безбедност Каја Калас даде посебна изјава во која се вели дека изборите на 26 јануари не биле слободни и фер и ги повика белоруските власти да ги ослободат сите политички затвореници.
– Одлуката на режимот да покани независни изборни набљудувачи од Организацијата за безбедност и соработка во Европа (ОБСЕ) десет дена пред изборите ги спречи да добијат пристап до клучните фази од изборниот процес, рече Калас.
Таа додаде дека „ова е уште еден доказ за целосна недоверба во овие избори“.
Калас порача дека Европската унија е подготвена да ја поддржи земјата во стабилизирање на нејзината економија и реформирање на институциите додека Белорусија ја започнува својата демократска транзиција.
Унгарија минатата недела одби да потпише нацрт-изјава во врска со „недемократските претседателски избори“ во Белорусија во име на 27-те земји од ЕУ.
