Неколку дена власта се обидува вината за нефункционалниот систем да ја префрли на опозициската СДСМ, односно дека нефункционалниот систем на СДСМ е виновен за смртта на Фросина Кулакова на булевар „Партизански Одреди“ кај Универзална сала на 29 јануари.
Како реакција за случајот на Фросина, граѓаните организираа два протести во Скопје, Неготино и Квадарци од каде упатија порака за правда и конечно да почне да функционира системот.
Власта тврди дека протестите ги организира опозицијата, а провладините медиуми и ботови на социјалните мрежи заокружуваат луѓе и ги посочуваат како доказ дека протестите се опозициски.
Само да знаете кој организира… Шарена револуција 2 дел? Извршители на протестот Левица, финансиери СДСМ. Дали ќе дозволиме пак да не изиграат?, гласи една објава на Х платформата.
Како одговор на овој пост извесен Каизен на свој Х профил објави:
Приметувате вмровските ботови како почнаа да хистеришат оркестрирано деновиве? Во Србија ќе паѓа Вучиќ, а овде очигледно ги исплаши еден мал собир пред Силбо, па пробуваат одма да го скинат во корен. Лешинарска партија.
Друг профил на Х извесен Ѓорчеец, објави фотографија од една девојка од протестот за Фросина со коментар: Ова лице личи ли дека има жал што згасна еден живот. Па п*****и м***р од прв до последен од таа шарена револуција… Како бе не се најде еден да ги шамара додека фарбаат улиците гниди гнасни.
Еден од коментарите на горенаведениот пост на извесен Вигор гласи: Овие ретардираниве сороспии треба да се газат како во Србија, нема веќе спонзорства од мјурика.
Профилот Марга, вмровски бот, на својот Х профил објави фотографии со заокружени лица на дел од демонстрантите (позната метода од времето на режимот на Груевски) со коментар: Пиперкара и редари и елеци копирале од Белградските протести. А ова Црвенава Прцоречка младина Геријатрија. Не бе ова све на клоци, мора да ја исчистиме државава од овие паразити! 8 години СДСУЧК пепел ја направија Македонија сега се дигнале бе! Мрш п***а ви матер!
Несреќниот случај прв го исполитизира т.н. новинар Зоран Божиновски (Буревесник) кој на својот Фејсбук профил објави: За убиецот Васо Јованов да оди во поправен дом и да има заштита, наместо да оди во затвор ургирала Радмила Шекеринска.
Потоа објави уште еден статус: Oсвен од Шекеринска, убиецот Васо Јованов имал заштита од Драган Ковачки, пратеник од ВМРО-ДПМНЕ, екс полковник во АРМ. Колега на тато!
Извесен Јосиф Џолев на својот Фејсбук профил ги објави имињата и презимињата и фотографиите на реодителите на Васил, како и името и фотографијата на судијката Даниела Алексовска Сојановска која донела одлука наместо во затвор, да оди во поправен дом за поседување на 80 паковки дрога. И сето тоа го поврзал со Радмила Шекеринска.
Во пресрет на вчерашниот масовен протест на еден од скопските подвожњаци со појави транспарент на кој пишуваше: Радмила каде си? На местото на несреќата. #Фросина, #БарајЈаРада.
Ваквиот транспарент наиде на осуда од граѓаните.
Поранешната министерка за одбрана Радмила Шекеринска ги демантирала ваквите лажни обвинувања и деодава дека за жал, очигледно е дека некои структури можат да продуцираат и најнелогични и целосно исконструирани лаги – доволно им е да имаат интерес и наредбодавател.
„Најдиректно сакам да ги демантирам СИТЕ такви наводи – тие се целосна, безобразна и исконструирана лага за која не постои НИКАКВА ОСНОВА. Одговорно тврдам дека со НИТУ ЕДНО од споменатите лица немам никаков контакт, познанство ниту пријателство: ниту со сторителот ниту со неговиот родител, а уште помалку со судијката што одлучувала за неговите предмети. Со ниту едно!“, вели Шекеринска.
И пратеникот на ВМРО-ДПМНЕ, Драган Ковачки демантира дека имал било какво влијание.
Лидерот на СДСМ и пратеник Венко Филипче на својот Фејсбук профил објави дека провладини профили водат наратив дека опозицијата ги организира протестите, со тоа не само што ги навредуваат луѓето што протестираат, туку и покажуваат целосно отсуство на емпатија кон сопствениот народ.
„Наместо да преземат одговорност и да бараат решенија, тие повторно бегаат од вистинските проблеми и ја сведуваат јавната болка на политички пазар. Трагедијата треба да ја обедини нацијата во жалост и барање одговорност – не да се сведува на политичка пресметка. Обидот да се етикетира гневот на граѓаните како „опозициски организиран“ е само очајничка стратегија за да се одвлече вниманието од системските пропусти. Влада што се плаши од гласот на сопствениот народ веќе признава дека потфрлила. Историјата е сведок дека секоја власт што не ги слушала граѓаните, на крајот била казнувана“, вели Филипче.
Дехран Муратов / Цивил Медиа
