Во Судот на Босна и Херцеговина вчера ( 19 февруари) се одржа рочиште за претседателот на ентитетот на Босна и Херцеговина – Република Српска, Милорад Додик.
Обвинителството на Босна и Херцеговина побара Додик да биде казнет со затворска казна која е поблиска до максималната од минималната предвидена за ова кривично дело и 10-годишна забрана за политичка работа.
Истата казна Обвинителството побара и за в.д директорот на „Службен гласник“ Милош Лукиќ.
Како што соопшти на крајот од рочиштето судијата Сена Узуновиќ, пресудата ќе биде изречена во среда на 26 февруари во 13 часот. Пресудата ќе биде првостепена.
Се надевам дека ќе има разум, бидејќи во спротивно се плашам дека сите ќе бидеме во голем проблем, изјави претседателот на Србија Александар Вучиќ, коментирајќи го предлогот на Обвинителството на БиХ, претседателот на РС Милорад Додик да добие повеќегодишна затворска казна и забрана за вршење јавни функции од 10 години.
Тој додаде дека тоа е бесмислен прогон на Додик и сигнал кој се испраќа до Република Српска.
Д. Т. / Цивил Медиа
