Стотици илјади луѓе дојдоа на протестот во Белград на 15 март, поради што многу улици беа преполни, па граѓаните и студентите наоѓаат алтернативни начини да се приклучат на акцијата. Поради гужвата пред Собранието на Србија, обезбедувањето ги повикува демонстрантите да дојдат на плоштадот Славија.
Министерството за внатрешни работи на Република Србија даде проценка за бројот на учесници на актуелниот протест во Белград, пренесува Данас.рс.
Како што се наведува во соопштението, според проценките на полицијата, на денешните шпицови на сите локации во Белград, бројот на учесници на митингот бил околу 107.000, од кои , како што велат ,најголем број се од внатрешноста, а во моментов бројот на учесници се намалува и континуирано опаѓа.
Ситуацијата е сосема спротивна од соопштението на МВР. Никој од поддржувачите на студентите не се одалечува од протестот.
Црта објави видео од од дрон снимено во 15 часот и 15 минути.
Пред Собранието се и ветерани од 63-та падобранска бригада за да обезбедат заштита на учениците. Тие стојат пред тракторите кај Пионер Парк, за да спречат какви било инциденти. Има и моторџии како заштита.
Јавниот превоз во Белград беше во прекин нешто по 9 часот утрото, наводно од безбедносни причини.
Ј. Ѓ.
