Шумските пожари ги принудија локалните власти во американската сојузна држава Северна Каролина да наредат евакуација на жителите кои се уште се опоравуваат од ураганот Хелена, додека гувернерот на Јужна Каролина прогласи вонредна состојба поради шумски пожар кој исто така се шири во таа држава.
Одделот за јавна безбедност на Северна Каролина издаде наредба за задолжителна евакуација која започна во саботата во 20:20 часот за делови од округот Полк на западот на државата, околу 80 милји (130 километри) западно од Шарлот.
Ова е втор пат за помалку од еден месец жителите на округот Полк да се соочат со евакуација поради шумски пожари.
-Видливоста во оваа област ќе биде намалена и може да се блокираат патиштата за евакуација. Ако не заминете сега, може да бидете заробени, повредени или животно загрозени, објави Одделот за јавна безбедност на Северна Каролина на социјалните мрежи.
На стотици километри северно, Шумската противпожарна служба соопшти дека во тек се интервенции поради шумски пожар во Вартон Стејт.
