Данскиот министер за надворешни работи Ларс Локе Расмусен денеска ја поздрави одлуката на САД да ја сменат планираната посета на Гренланд.
Данската премиерка Мете Фредериксен рече дека планираната посета на Уша Венс, сопругата на американскиот потпретседател Џеј Ди Венс, и нејзиното присуство на популарната трка со санки на Гренланд, претставува „неприфатлив притисок“ врз Гренланд.
Белата куќа вчера соопшти дека делегацијата наместо Уша Венс ќе ја предводи нејзиниот сопруг, но дека посетата ќе биде ограничена на американската вселенска база „Питуфик“ на северот на Гренланд и оти делегацијата нема да присуствува на трката.
– Мислам дека е многу позитивно што Американците ја откажаа посетата на гренландската заедница. Наместо тоа, тие ќе ја посетат нивната база „Питуфик“, а ние немаме ништо против тоа, рече шефот на данската дипломатија.
