Рускиот претседател Владимир Путин вчера во Кремљ го прими претседателот на Република Српска, Милорад Додик, соопшти прес-секретарот на шефот на руската држава Дмитриј Песков, јавија српски медиуми, пренесе ЦивилМедиа.
Додик пристигна во Москва претходната вечер и го посети гробот на непознатиот херој. Путин и Додик последен пат се сретнале во октомври минатата година на маргините на самитот на БРИКС во Казан.
Додик објави видео на социјалните мрежи во близина на ѕидините на Кремљ и напиша дека секоја посета на руската престолнина ја започнува на Гробот на непознатиот херој со цел да им оддаде почит на советските војници кои ја бранеа Европа од нацизмот.
View this post on Instagram
На 26 февруари, Судот на Босна и Херцеговина го осуди Милорад Додик на една година затвор и шестгодишна забрана за вршење јавни функции поради игнорирање на одлуките на високиот претставник за Босна и Херцеговина, Кристијан Шмит.
Преземено: Цивил Медиа
