Американскиот претседател Доналд Трамп најави дека ќе започне трговска истрага за влијанието на кинескиот увоз на електроника врз националната безбедност на САД.
Трамп, исто така, го повтори својот став дека исклучувањето на паметните телефони и компјутерите од реципрочните царини против Кина ќе биде краткотрајно.
Американската Агенција за царина и гранична заштита во петокот објави ново упатство со кое е јасно дека паметните телефони и компјутерите ќе бидат исклучени од опсегот на реципрочните тарифи.
-Оваа електроника „едноставно се преместува во друга „кошничка“ за тарифи“, напиша Трамп денеска на социјалните мрежи. „Во претстојните тарифни истраги за националната безбедност, ќе ги разгледаме полупроводниците и целиот синџир на снабдување на електроника“, додаде тој.
Претходно, американскиот министер за трговија Хауард Лутник рече дека во следните два месеци ќе бидат воведени посебни нови царини за важни технолошки производи од Кина, вклучувајќи ги и полупроводниците.
Исклучувањата објавени во петокот се сметаат за голем удар за технолошките компании како „Епл“ (Apple) и „Дел Технолоџис“ (Dell Technologies), кои се потпираат на увоз од Кина.
