Колумбискиот претседател Густаво Петро им нареди на здравствените власти во рок од два месеца да ги вакцинираат сите граѓани на Колумбија против жолта треска.
– Во рок од два месеца, целото население на Колумбија мора да се вакцинира против жолта треска, напиша тој на социјалната мрежа Х, во услови на зголемување на морбидитетот и смртните случаи поради оваа болест.
Петро јавно кажа дека тој веќе е вакциниран и ги повика властите да дејствуваат брзо и одговорно.
На 17 април, колумбиската влада прогласи вонредна состојба во јавното здравство поради епидемијата на жолта треска, која веќе однесе повеќе од 30 животи. Според министерот за здравство Гилермо Алфонсо Јарамило, болеста ги преминала границите на Амазон и се појавила во центарот на земјата, „станувајќи јасна закана за земјата и целото општество“.
