Паркирањето во Општина Центар за време на Велигденските празници ќе биде без наплата за сите граѓани, информираат од ЈП Паркинзи на Општина Центар.
– На 18, 20 и 21 април граѓаните ќе можат да паркираат без надомест на сите паркиралишта со кои стопанисува ЈП Паркинзи на Општина Центар. Од ова исклучок се затворените паркиралишта Дилајла и Трготекстил, стои во соопштението на ЈП Паркинзи на Општина Центар.
Со оглед на тоа дека сабота е работен ден, од ЈП ПОЦ велат дека паркиралиштата со кои стопанисуваат ќе работат со вообичаено работно време.
– Согласно програмата за неработни денови за 2025 година, 19.04.2025 година (сабота) е работен ден и следствено на тоа паркиралиштата со кои стопанисува ЈП ПОЦ ќе работат со вообичаено работно време. Депото на „Пајак“ службата на ЈП ПОЦ ќе работи 24/7 за време на празниците, стои во соопштението на ЈП ПОЦ.
Редовната наплата за паркирање на паркиралиштата и издавање на договори во Дирекцијата на ЈП ПОЦ ќе продолжи на 22.04.2025 година со вообичаено работно време.
