Вечерва, на 15 мај 2025 година, ќе се одржи втората полуфинална вечер на Евровизија 2025 во Базел, Швајцарија, со почеток во 21:00 часот по средноевропско време. Оваа вечер ќе настапат 16 земји, од кои 10 ќе се квалификуваат во големото финале што ќе се одржи во сабота, 17 мај.
Ќе настапат:
- Австралија – Go-Jo – Milkshake Man
- Црна Гора – Нина Жижиќ – Dobrodošli
- Ирска – Emmy – Laika Party
- Латвија – Tautumeitas – Bur man laimi
- Ерменија – PARG – Survivor
- Австрија – JJ – Wasted Love
- Грција – Klavdia – Asteromáta
- Литванија – Katarsis – Tavo Akys
- Малта – Miriana Conte – Serving
- Грузија – Mariam Shengelia – Freedom
- Данска – Sissal – Hallucination
- Чешка – ADONXS – Kiss Kiss Goodbye
- Луксембург – Laura Thorn – La Poupée Monte Le Son
- Израел – Yuval Raphael – New Day Will Rise
- Србија – Princ – Mila
- Финска – Erika Vikman – Ich Komme .
Покрај овие настапи, вечерва ќе се претстават и трите земји кои се директно квалификувани во финалето: Франција, Германија и Обединетото Кралство, кои ќе ги изведат своите песни и ќе учествуваат во гласањето.
Директен настап во финалето имаат земјите од „Големата петорка“ (Big Five): Шпанија, Франција, Велика Британија, Германија и Италија и домаќинот Швајцарија како минатогодишни победници
Гласањето ќе биде отворено по последниот настап и ќе трае околу 20 минути. Гледачите од 16-те учеснички земји, како и од Франција, Германија и Обединетото Кралство, ќе можат да гласаат. Дополнително, публиката од остатокот на светот ќе може да гласа онлајн .
Настанот ќе се пренесува во живо на официјалниот YouTube канал на Евровизија, како и на националните телевизии на учесничките земји. Гледачите во Македонија можат да го следат преносот преку интернет или на МТВ.
На 13 мај се одржа првата полуфинална вечер, каде што од 15 учесници, следниве 10 земји обезбедија пласман во финалето: Шведска, Норвешка, Албанија, Исланд, Холандија, Полска, Сан Марино, Естонија, Португалија, Украина.
Финале ќе се одржи во сабота, 17 мај од 21 часот.
Редакција Фронтлајн
Прочитајте и…
(ВИДЕО) Познати 10 финалисти од првата полуфинална вечер на Евросонг
