На свеченото доделување на наградите по 29-ти пат на манифестацијата „Најуспешни жени менаџери за 2025″, организирана од агенцијата „Марили” за лауреатки беа прогласени 13 менаџерки, 11 од земјава, една од Р. Србија и една од Р. Хрватска.
Лауреатките ја добиваат статуетката „Жена водилка“ која симболично претставува жена со крената рака во која држи факел, за да го осветлува патот за сите жени, особено за младите генерации високообразовани жени.
Маја Петаноска доктор по медицина, бренд и тренинг менаџер и косопственик во ДПТУ „ДЕРМАЕСТЕТИКА“ ДОО Скопје,компанијата којашто успешно работи уште од 2007 година, нуди врвна медицинска козметологија и е овластен застапник и дистрибутер на престижниот француски бренд Guinot Institut Paris,е една од добитниците на награда за 2025 на најуспешните жени менаџери од земјава и регионот во избор на „Марили”.
,,Жените во бизнисот се свесни за предизвиците со кои се соочуваат, улогата на жени успешни претприемачи е сè позначајна за економијата и нивните иновативните идеи се одличен извор за надминување на економската криза. Тие се отворени за нови идеи и нови заложба да се успее во бизнис светот. Секако, претприемачката иницијатива со себе носи одредени одрекувања, фокусот, секогаш е крајната цел е да овозможите непрекинлив тек на процесите во компаниите, да ја задржите конкурентноста на пазарот и да одговорите максимално професионално на потребите на соработниците и клиентите. Она кон кое постојано ја насочувам мојата енергија се растот и развојот на компанијата и одржувањето на бизнисот во чекор со светските трендови.Како претставници на Guinot Institut Paris, бренд присутен во над 70 земји во светот, за овој беспрекорен бренд не е важно дали клиентите ќе направат третман на во Париз, Лондон, Москва, Токио, Дубаи или Њујорк, тие ќе добијат иста услуга и во Македонија, по ист протокол и со исти производи.Поддршката од семејството е битен фактор за успешенa кариера,и флексибилноста во семејството е важна за постигнување баланс меѓу професионалниот и личниот живот” истакна д-р Петаноска и се заблагодари во своето обраќање на поддршката на сопругот ,партнер во бизнисот.
Манифестацијата „Избор на најуспешни жени“ преку својот „Марили Бизнис Клуб“ спојува над 170 жени менаџери кои соработуваат, се вмрежуваат, охрабруваат, организираат хуманитарни настани, но и ги поттикнуваат младите девојки и жени да влезат и да се остварат во бизнис сферата.
