Иран и Израел наскоро ќе постигнат мировен договор, објави американскиот претседател Доналд Трамп на својата социјална мрежа Truth Social.
– Иран и Израел треба да постигнат договор – и ќе постигнат. Исто како што успеав Индија и Пакистан да постигнат договор. Исто така, за време на мојот прв мандат, Србија и Косово се бореа жестоко и жестоко, како што правеа со децении, и овој долгогодишен конфликт беше спремен да избувне во ВОЈНА. Јас го запрев (Бајден им наштети на долгорочните перспективи со некои многу глупави одлуки, но ќе го поправам, повторно!). Друг случај се Египет и Етиопија, и нивната борба за огромна брана што има влијание врз прекрасната река Нил, напиша Трамп.
Тој додава дека во моментов се одржуваат многу разговори и состаноци.
– Наскоро ќе имаме МИР меѓу Израел и Иран! Работам напорно и никогаш не ги добивам заслугите, но тоа е во ред, луѓето разбираат. ДА ГО НАПРАВИМЕ БЛИСКИОТ ИСТОК ПОВТОРНО ГОЛЕМ!“, нагласува Трамп.
Објавата на претседателот на САД доаѓа по ескалацијата на конфликтот меѓу Иран и Израел што трае веќе трет ден.
Израел во петокот изврши голем воздушен напад врз иранските нуклеарни и воени цели, во кој беа убиени високи ирански воени функционери и научници. Како одговор, Иран лансира серија балистички ракети врз Израел.
Конфликтот предизвика меѓународна загриженост поради можноста од поширока регионална војна.
Трамп по запонувањето на израелскиот напад врз Иран изјави дека неговата администрација била свесна за плановите на Израел и се обидела да го охрабри Техеран да бара дипломатско решение пред ескалацијата на конфликтот.
