Израелските вооружени сили и беспилотни летала рано утрово отворија оган врз стотици Палестинци кои ги чекаа камионите со помош во Газа, при што загинаа најмалку 25 лица, а беа повредени 146, соопштија сведоци и болници.
Болницата Авда во бегалскиот камп Нусеират соопшти дека Палестинците чекале камиони на патот Салах ал-Дин јужно од Вади Газа. Сведоците рекоа дека израелските сили отвориле оган додека луѓето оделе за да пријдат до камионите што се приближувале.
„Тоа беше масакр“, рече очевидецот Ахмед Халава. Тој рече дека тенковите и беспилотните летала пукале врз луѓето, „дури и додека ние бегавме. Многу луѓе беа или убиени или ранети“.
Израелската војска не коментираше за најновиот инцидент.
