Denis Villeneuve ќе биде режисер на новиот филм за Џејмс Бонд, потврдија од Amazon MGM Studios. Продуценти се Amy Pascal и David Heyman, со Tanya Lapointe како извршен продуцент, пишува Deadline.
Villeneuve долго време беше во шпекулации како еден од фаворитите за проектот, заедно со Edward Berger, Edgar Wright, Jonathan Nolan и Paul King. Иако се очекуваше дека Alfonso Cuarón би ја добил шансата, изборот падна на Villeneuve – режисер кој со успех ја предводи Dune трилогијата. Новиот договор доаѓа откако Amazon MGM стекна целосна креативна контрола врз франшизата во 2024 година, по купувањето на MGM за 8,5 милијарди долари во 2022.
Иако е моментално зафатен со третиот дел од „Dune“ (кој излегува во декември 2026), Villeneuve рече: „Пораснав со Џејмс Бонд филмовите, уште од Dr. No.. За мене, Бонд е света територија. Ова е голема чест и одговорност.“
Од Amazon изјавија дека Бонд е во сигурни раце со „едно од најголемите имиња во денешната кинематографија“.
Б. Т.
