Украинскиот министер за надворешни работи Андриј Сибиха, преку објава на социјалната платформа X му одговори на својот словачки колега Јурај Бланар, кој предложи можност меѓународната заедница „можеби дури и да ѝ прости“ на Русија за нејзините злосторства за повторно да започне дијалог со Москва за да се стави крај на војната во Украина.
„Јурај, чувството на неказнивост на Русија е коренот на нејзините злосторства. Наивно е да се очекува криминалецот да престане ако неговиот злостор е простен, наместо да биде казнет. Русија ќе те удри и по другиот образ. А оние кои не изгубиле никого во оваа војна немаат право да даваат такви изјави“, напиша украинскиот министер.
Juraj, Russia’s sense of impunity is the root cause of its crimes. It’s naive to expect a criminal to stop if their crime is forgiven instead of punished. Russia will hit your other cheek as well. And those who have lost no one in this war have no right to make such statements. pic.twitter.com/ALLzGT6ugP
— Andrii Sybiha 🇺🇦 (@andrii_sybiha) June 30, 2025
Коментарите на Сибиха дојдоа како одговор на изјавата дадена од словачкиот министер за надворешни работи Јурај Бланар за време на интервју за домашни медиуми на 29 јуни. Како што претходно објави ЦИВИЛ Медиа, Бланар тврдеше дека војната во Украина не може да се реши воено и повика на враќање на дипломатијата, сугерирајќи дека на Русија може да ѝ се прости.
Д. Мишев / Цивил Медиа
