Во моменти кога растат тензиите на релација Баку – Москва, се појавувија нови докази за случајот со соборениот азербејџански патнички авион во кој загинаа 38 патници и членови на екипажот.
Како што пренесува Кијив Индипендент, лице кое тврди дека е руски офицер изјавило дека добило наредба да отвори оган врз воздушна цел минатиот декември, која се покажала како азербејџански патнички авион, објави азербејџанскиот новински медиум Минвал на 1 јули, повикувајќи се на аудио и писмена изјава што ја добил.
Авион Ембраер 190AR, управуван од Азербејџан ерлајнс, се урна во Казахстан на 25 декември 2024 година, откако бил нападнат над Грозни, Чеченија. Триесет и осум лица загинаа.
Азербејџанските власти ја обвинија Русија, а истрагата укажува на рускиот систем за воздушна одбрана Панцир-С1 случајно го таргетирал авионот за време на наводен украински напад со беспилотни летала.
Минвал напиша дека добил три аудио снимки, анонимно писмо и објаснувачка белешка од човек потпишан како капетан Дмитриј Паладичук, руски капетан на екипажот за воздушна одбрана кој тврди дека ја пренел наредбата за соборување на авионот.
Во наводната објаснувачка белешка, Паладичук рекол дека немал сигурни средства за комуникација со руската воена команда освен мобилна врска. Радар детектирал цел во 8:11 часот по локално време, по што на Паладичук наводно му било наредено да го уништи авионот – кој не бил видлив поради густата магла – преку телефон.
Капетанот тврдел дека откако првиот проектил ја промашил целта, тој дал наредба повторно да се пука. Паладичук не го именувал експлицитно азербејџанскиот лет во своето објаснувачко писмо.
Минвал напишал дека не може да ја потврди автентичноста на писмената изјава, но може да го стори тоа за трите протечени гласовни пораки, кои исто така ја потврдуваат командата за соборување на авионот и последователната штета.
Руските независни новински агенции „Агентство“ и „Инсајдер“ го потврдија идентитетот на Паладичук како офицер за воздушна одбрана кој служел во различни единици, вклучувајќи ја и 14-та армија на воздухопловните сили и воздушната одбрана во Новосибирск.
Азербайджанское СМИ опубликовало «объяснительную капитана ПВО, скомандовавшего открыть огонь по лайнеру» из Баку над Грозным. Военный с такими данными, действительно, служил в ПВО
Азербайджанское издание https://t.co/XbfetQbqGI во вторник опубликовало «объяснительную капитана… pic.twitter.com/ey8EsRMd1S
— Новости «Агентства» (@agents_media) July 1, 2025
„Инсајдер“ исто така напиша дека белешката се чини дека е автентична и истакна дека брзината на авионот, откриена во протечените материјали, покажува дека руската команда сигурно знаела дека целта не е дрон.
Инцидентот доведе до јавен судир меѓу Азербејџан и Русија, инаку блиски политички и економски партнери. Азербејџанскиот претседател Илхам Алиев ја обвини Москва за потиснување на доказите и го критикуваше својот руски колега, Владимир Путин, за тоа што не ја призна отворено вината.
Путин изрази сочувство за инцидентот што се случи во рускиот воздушен простор, но не ја призна руската одговорност.
Новите детали за случајот се појавија токму кога руско-азербејџанските односи повторно се влошија. Над 50 Азербејџанци беа приведени како дел од истрагата за убиство во Екатеринбург на 27 јуни, од кои двајца починаа во притвор.
Баку ги нарече нивните смрти „етнички мотивирани“ и „незаконски“ убиства. Неколку дена подоцна, азербејџанските власти извршија рација во канцеларијата на рускиот пропаганден медиум „Спутник“ во Баку, приведувајќи ги оние за кои велат дека се руски шпиони.
Д. Мишев / Цивил Медиа
