Технолошката компанија Мајкрософт издаде итна исправка за својот софтвер за уредување документи ШерПоинт (SharePoint) со цел да отстрани слабост што ја користеле хакери за напади врз претпријатија и американски федерални агенции.
Мајкрософт вчера ги ажурираше упатствата за користење на SharePoint серверите од 2019 година, а инженерите моментално ги отстрануваат слабостите на постарата верзија на софтверот од 2016 година.
Компанијата во саботата на 19 јули, издаде предупредување до клиентите дека хакерите користат „нулта ден“ користење на одреден софтвер за да извршат напад и да крадат податоци од корисниците.
Ранливоста на софтверот им овозможува на хакерите пристап до апликациите и системите поврзани со SharePoint, како што се апликациите OneDrive и Teams.
Компанијата соопшти дека се загрозени десетици системи ширум светот, како и дека голем бран напади се случил во текот на викендот.
Обемот на нападите сè уште се проценува, а Американската агенција за кибер безбедност (CISA) препорача сите погодени сервери да се исклучат до поправката на сите слабости.
